Sot u mbajt mbledhja e V-të e rregullt për vitin 2023 e Kuvendit Komunal në Dragash, ku u diskutuan këto pika të rendit të ditës:
1. Miratimi i procesverbalit nga mbledhja e kaluar,
2. Propozim-vendim për miratimin e Planit Komunal për Riintegrimin e qëndrueshëm të personave të riatdhesuar dhe integrimin e të huajve në Komunën e Dragashit 2023-2025,
3. Propozim-vendim për shpalljen e interesit publik për zonat kadastrale: ZK Rrenc P-706040036-00008-0, ZK Vraniç P-70604010-00896-0, ZK Vraniç P-70604010-00902-7, ZK Kapre P-70604020-00617-0, ZK Kapre P-70604020-00002-0, dhe
4. Eventuale.
Me propozim të asambleistit të LDK-së, z.Naser Myrtezani, si pikë shtesë e rendit të ditës u fut për diskutim edhe Vendimi për shpalljen e interesit publik për shpronësimin e pronës së paluajtshme (te Pompa e derivateve përballë Stacionit të Autobusëve në Dragash), me qëllim të ndërtimit të infrastrukturës dhe rregullimit të qendrës për nevojat e Komunës së Dragashit.
Gjithashtu, me propozim të Kryetarit Xheladini, u votua edhe plotësim-ndryshimi i pikës së tretë të rendit të ditës me Vendimin për shpalljen e interesit publik për disa zona kadastrale, me qëllim të përcaktimit të lokacionit të deponisë së materialeve të ngurta të ndërtimit për nevojat e qytetarëve.
