Kryetari i Komunës, z.Bexhet Xheladini, dhe kryesuesja e Kuvendit, znj.Arijeta Skeraj, morën pjesë në takimin me vajza të organizuar për të shënuar Ditën Ndërkombëtare të Vajzave. Ky takim u organizua nga zyrtarja për Barazi Gjinore, znj.Lindita Kozmaqi Piraj.
Kryetari Xheladini ua uroi të gjitha vajzave të pranishme Ditën Ndërkombëtare të Vajzave, duke bërë thirrje që të punojmë të gjithë së bashku për një të ardhme ku çdo vajzë ka mundësi të mbarimit të arsimimit, mbrojtjes së shëndetit dhe zhvillimit profesional, si çdo qytetar i barabartë në një Republikë demokratike, duke bërë thirrje që të angazhohemi maksimalisht që vajzat tona t’i mbështesim në çdo aspekt dhe t’i inkurajojmë për t’i ndjekur ëndrrat e tyre.
