Kryetari i Komunës së Dragashit, z.Bexhet Xheladini, së bashku me kryesuesen e Kuvendit, znj.Arijeta Skeraj, nënkryetarët Resul Fetahu dhe Fejsal Halilović, si dhe pjesëtarë të tjerë të Kabinetit, morën pjesë në ceremoninë përkujtimore, me rastin e 25-vjetorit të rënies së rreshterit të KFOR-it Turk, Hüseyin Kutlu, gjatë shërbimit të tij në Misionin e NATO-s për paqe dhe stabilitet në Kosovë.
Kryetari Xheladini, në emrin e tij si kryetar dhe në në emër të qytetarëve të Komunës së Dragashit, shprehu lavdinë dhe nderimet më të përzemërta për veprën dhe sakrificën e dëshmorit Huseyin Kutlu në mbështetje të popullit të Kosovës. Ai tha se Rreshterin Hüsuyin Kutlu në Dragash do ta kujtojmë si një ushtar të guximshëm dhe të përkushtuar për t’i dalë në ndihmë popullit tonë në momentet më të rënda të pasluftës.
Në këtë ceremoni të pranishëm ishin Ambasadori i Republikës së Turqisë, z.Sabri Tunç Angılı, ministri i Zhvillimit Rajonal, z.Fikrim Damka, kryetari i Konsullatës së Përgjithshme Turke në Prizren, z.Celal Dogan, përfaqësues nga Njësia e LMT-së në Dragash, si dhe përfaqësues të tjerë të institucioneve turke në Kosovë.
