Shtabi Emergjent ka mbajtur mbledhjen e rregullt. Mbledhjen e kryesoi kryetari i Komunës së Dragashit, Shaban Shabani.
Të pranishëm ishin të gjithë anëtarët e Shtabit Emergjent apo përfaqësuesit e tyre.
Pikat e rendit të ditës të cilat u diskutuan ishin:
°Njoftim për gjendjen epidemiologjike në Komunën e Dragashit ;
°Të ndryshme.
Kryetari i Komunës së Dragashit, Shaban Shabani, i informoi të pranishmit me situatën aktuale sa i përket të të infektuarve dhe gjendjen e tyre shëndetësore, numrin e të infektuarve dhe të të shëruarve dhe u vlerësua se kjo situatë në komunën tonë po kalohet pa probleme të theksuara.
Gjithashtu, drejtori i Drejtorisë Komunale për Arsim, Vloran Cenaj, paraqiti gjendjen aktuale në Shml “Ruzhdi Berisha” në Dragash pas rasteve të paraqitura me COVID-19 dhe vendimin e Task Forcës në nivel të DKA-së që mësimi deri me 2 nëntor të mbahet sipas skenarit C. Gjithashtu dha një përmbledhje të punëve që DKA-ja në Dragash po kryen dhe po delegon për një menaxhim sa më të mirë të situatës. Masat përfshijnë inspektime dhe kontrolle për higjienën në ambientet shkollore që kanë qëllim parandalues. Drejtori Cenaj theksoi se ka një bashkëpunim të mirë me IKSHP-në për testimin e mësimdhënësve dhe nxënësve të dyshuar për infektim të mundshëm me virusin COVID-19.
Edhe drejtori i QKMF Ramadan Jashari paraqiti raportin e detajuar statistikor për periudhën që po kalojmë gjatë pandemisë Covid-19 ku theksoi se deri më tani në komunën e Dragashit kanë qenë të infektuar 129, të vdekur 18, raste aktive 6 dhe 105 të shëruar.
