Komuna e Dragashit ka mbajtur seancë urgjente, ku në mënyrë unanime është votuar propozimi për ndarjen buxhetore prej 120 000 euro për të plotësuar nevojat që dalin në këtë situatë emergjente për parandalimin e virusit COVID-19.
Kryetari Shaban Shabani ka falënderuar asambleistët për bashkëpunim, spektrin politik, shtabin emergjent, stafin shëndetësor, vullnetarë, zyrtarët policor, zjarrfikësit, punonjësit e kompanive regjionale, bashkësisë islame, kryqin e kuq, komunitetin e biznesit, UNICEF-in, KEDS- in, njësitë në Dragash , kompanitë e ndryshme që vullnetarisht kanë ndihmuar në forma të ndryshme.
Ndërsa, asambleistët kanë mbështetur kryetarin Shaban Shabani për gatishmërinë dhe menaxhimin e kësaj situate në komunën e Dragashit , duke e mbështetur propozimin për ndarjen e mjeteve.
Delegatët e kuvendit kërkuan nga qytetarët që të qëndrojnë në shtëpitë e tyre dhe t’i respektojnë rekomandimet e IKSHPK dhe MSH.
