Kuvendi i Komunës së Dragashit, nën udhëheqjen e kryesueses Arijeta Skeraj mbajti sot Mbledhjen II (e dytë) të rregullt për vitin 2024, ku u diskutua për këto pika të rendit të ditës:
1. Dhënia e betimit të anëtarit të zëvendësuar nga KQZ, z.Gazmend Ramadani;
2. Miratimi i procesverbalit nga mbledhja e kaluar;
3. Propozim-vendim për dhënien në shfrytëzim afatgjatë të pronës së paluajtshme të Komunës P-70604038-00244-4 ZK Shajne;
4. Propozim-vendim për formimin e Komisionit për vlerësimin e ofertave për dhënien në shfrytëzim afatgjatë të pronës së paluajtshme të Komunës P-70604038-00244-4 ZK Shajne;
5. Raporti Financiar tetor-dhjetor 2023 (tremujori i katërt i vitit 2023);
6. Raporti Vjetor Financiar për vitin 2023;
7. Raporti i KKSB-së për periudhën korrik-dhjetor 2023;
8. Raporti i Punës së Kuvendit për vitin 2023 dhe miratimi i Planit të Punës së Kuvendit për vitin 2024; dhe
9. Eventuale.
Ky rend i ditës u miratua me një pikë shtesë për anulimin e Vendimit për ndryshimin e emrit të rrugës së lagjes “Hajdet” në “Haxhi Rrahmani”, të miratuar nga Kuvendi në mbledhjen e kaluar. Kjo pikë u fut në rend të ditës pas rekomandimit me votat e shumicës së anëtarëve të KPF-së gjatë mbledhjes së djeshme.
Të gjitha pikat u aprovuan me shumicë votash nga delegatët e Kuvendit, pas parashtrimit të pyetjeve, vërejtjeve dhe propozimeve të tyre.
Në pikën eventuale u disktuan çështje të shumta me interes publik të cilat lidhen kryesisht me shpenzimet e investimeve kapitale, arsimin, shëndetësinë etj. Nga ekzekutivi, pyetjeve të kuvendarëve iu përgjigjën Kryetari Xheladini dhe drejtorët komunalë Qamil Kolloni dhe Vetim Ramadani.
