Nën udhëheqjen e kryesueses Arijeta Skeraj, Kuvendi i Komunës së Dragashit mbajti dje Mbledhjen VI (e gjashtë) të rregullt për vitin 2024. Pikat e parapara të rendit të ditës për këtë seancë ishin:
1. Miratimi i Kornizës Afatmesme Buxhetore (KAB) 2025-2027; dhe
2. Eventuale.
Me propozimin e disa asamblesitëve dhe kryetarit të Komunës, si pikë shtesë e rendit të ditës u fut edhe diskutimi për situatën e krijuar nga vërshimet në Komunën e Dragashit.
Para miratimit të rendit të ditës, Kryesuesja Skeraj i informoi delegatët për vizitat që ka zhvilluar në emër të Asamblesë nëpër fshatrat e prekura nga vërshimet, si dhe për Raportin e Komisionit për Vlerësimin e Dëmeve, i cili do të procedohet në Asamble për shqyrtim dhe miratim.
Në pikën e parë të rendit të ditës, pas prezantimit të Kornizës Afatmesme Buxhetore nga drejtori për Ekonomi, Financa dhe Zhvillim, z.Qamil Kolloni, Kuvendi me shumicë votash miratoi KAB-in për vitet 2025-2027.
Në pikën e dytë lidhur me vërshimet, Kryetari Xheladini i njoftoi asambleistët për aktivitetet që janë ndërmarrë dhe që pritet të ndërmerren gjatë ditëve në vijim, me qëllim të tejkalimit të situatës së krijuar pas vërshimeve.
Në pikën eventuale, Kryetari Xheladini iu përgjigj pyetjeve të Kuvendarëve që u parashtruan kryesisht rreth investimeve kapitale, arsimit, shëndetësisë etj.
