Kryetari i Komunës, z.Bexhet Xheladini, së bashku me Kryesuesen Arijeta Skeraj dhe nënkryetarët Resul Fetahu dhe Fejsal Halilović, pritën sot komandantin e Këshillit të Lartë Turk, Gjeneralin Sabri Gokhan Karamürsel, me rastin e përfundimit të detyrës së tij në Kosovë.
Kryetari Xheladini i ka shprehur falënderime të veçanta Gjeneralit Sabri Gokhan Karamürsel për bashkëpunimin me Komunën e Dragashit gjatë kohës së shërbimit të tij në këtë detyrë. Ai i ka dëshiruar suksese në karrierë dhe shëndet e lumturi me familjarët e tij në vendlindje.
Në anën tjetër, komandanti i deritashëm i Këshillit të Lartë Turk e ka falënderuar Kryetarin Xheladini për mikpritjen dhe bashkëpunimin e vazhdueshëm me institucionet e Republikës së Turqisë në Kosovë, duke thënë se po e përfundon detyrën e tij në Kosovë me përshtypjet më të mira për institucionet dhe qytetarët e Komunës së Dragashit.
Në fund të takimit, Kryetari Xheladini dhe Gjenerali Sabri Gokhan Karamürsel shkëmbyen mirënjohje, në shenjë respekti për bashkëpunimin e ndërsjellë. Ndërkaq, Kryesuesja Skeraj i dhuroi Gjeneralit punime dore nga Këndi i Kurajos.
