Të nderuar qytetarë të Komunës së Dragashit dhe ju adhurues të motokrosit, si dhe mjeteve të tjera motorike,
Pas publikimit të njoftimit të Drejtorisë së Parkut Nacional Sharri (Ministria e Mjedisit, Planifikimit Hapësinor dhe Infrastrukturës), ka pasur shumë reagime për vendim jopopullor, ku në disa prej të cilave është kërkuar edhe ndërhyrja e kryetarit të Komunës, ndërsa ka dhe të tillë që në komentet e tyre, me vetëdije apo në mungesë të njohurive, këtë vendim ia përshkruajnë kryetarit të Komunës, gjë që nuk është e vertetë.
Ky vendim është marrë nga Drejtoria e Parkut Nacional Sharri (Ministria e Mjedisit, Planifikimit Hapësinor dhe Infrastrukturës), pa njoftim paraprak dhe pa konsultim me mua si kryetar i Komunës së Dragashit.
Si kryetar i Komunës, shpreh gatishmërinë time që të bashkëpunojë me përfaqësuesit e Shoqatës “Enduro Sharri”, për t’i përcjellur shqetësimet e tyre – të cilat njëherit janë edhe kërkesa të mia si kryetar – në Drejtorinë e Parkut Nacional Sharri.
