Për të parë nga afër gjendjen e krijuar nga vërshimet, sot Komunën e Dragashit e vizitoi kryeministri i Kosovës, z.Albin Kurti, i shoqëruar nga ministri i MAPL-së, z.Elbert Krasniqi.
Kryetari i Komunës, z.Bexhet Xheladini, fillimisht i priti në zyrën e tij, ku të pranishëm ishin edhe drejtori i Drejtorisë Rajonale të Policisë në Prizren, komandanti i Stacionit Policor në Dragash, si dhe kryetari dhe një anëtar nga Komisioni Qendror për Vlerësimin e Dëmeve nga Fatkeqësitë Natyrore.
Kryetari Xheladini i informoi detajisht për situatën e krijuar nga vërshimet, aktivitetet dhe masat e marra nga autoritetet lokale, duke kërkuar nga Kryeministri Kurti mbështetjen e Qeverisë qendrore për tejkalimin sa më të shpejtë dhe më të lehtë të kësaj situate.
Më pas, krerët e Qeverisë Komunale dhe asaj qendrore vizituan fshatin Kuk, i cili është ndër fshatrat që ka pësuar më së shumti dëme nga vërshimet e ditës së djeshme.
