Konsulli i Përgjithshëm i Republikës së Turqisë në Prizren, z.Celal Dogan, vizitoi sot Komunën e Dragashit, ku u prit nga Kryetari Xheladini, së bashku me zyrtarë të tjerë të ekzekutivit lokal.
Pasi bëri një përshkrim të shkurtër gjeografik, organizativ, politik dhe ekonomik të Komunës së Dragashit, Kryetari Xheladini përmendi sfidat me të cilat po ballafaqohet qeverisja lokale dhe theksoi se mirëpresin ndihmën dhe bashkëpunimin me përfaqësusit e vendeve mike si Turqia, për t’i çuar përpara projektet e ndryshme me rëndësi në zhvillimin ekonomik, turistik e kulturor të komunës sonë.
Konsulli turk, z.Celal Dogan, e falënderoi Kryetarin Xheladini për mikpritjen, duke shprehur respekt për qytetarët e Komunës së Dragashit dhe bashkëjetesën e shkëlqyer në mes të komuniteteve.
