Këshilli Komunal për Siguri mbajti sot Mbledhjen IV (e katërt) të rregullt për vitin 2024. Mbledhja u kryesua nga kryetari i Komunës, z.Bexhet Xheladini, i cili njëherit është edhe kryetar i KKSB-së. Në këtë mbledhje u diskutuan këto pika të rendit të ditës:
1. Shqyrtimi dhe miratimi i procesverbalit nga takimi i tretë;
2. Vlerësimi i përgjithshëm i gjendjes së sigurisë, çështjet politike dhe të sigurisë mes dy takimeve, veprimet dhe masat për luftimin e shkelësve të ligjit, si dhe masat për shkelësit e ligjit në komunikacion në Komunën e Dragashit;
3. Monitorimi dhe raportimi mbi nivelin e sigurisë në shkolla dhe zbatimi i Planit për Siguri në Shkolla; dhe
4. Të ndryshme.
Bazuar në raportimet e komandantit të Stacionit Policor në Dragash, z.Shaqir Uka, dhe komandantit të Vijës Kufitare, z.Jeton Hulaj, gjendja e sigurisë në territorin e Komunës së Dragashit për periudhën e raportimit ndërmjet dy takimeve të KKSB-së ka qenë e qetë dhe stabile.
Në këtë mbledhje të KKSB-së gjithashtu raportuan edhe drejtori i DKA-së, z.Zeni Krasniqi, dhe drejtori i Shërbimeve Publike, z.Nuhija Tairovci, lidhur me aktivitetet që i përkasin fushës së sigurisë në drejtoritë përkatëse.
