Sot, në zyrën e kryetarit të komunës së Dragashit z. Bexhet Xheladini ishte për vizitë futbollisti Elvaris Shuplja.
Elvarisi është i lindur në vitin 2006, në fshatin Restelicë. Aktualishtë luan si mesfushor në klubin Sassuolo në Itali.
Me ftesë të kombëtares së Kosovës, ai do të luaj si qendërsulmues për grupmoshat U-17.
Elvarisi është lojtari i parë në histori nga komuniteti goran i cili do të luaj në ekipin e kombëtares së Kosovës.
Ai e njoftoi kryetarin Xheladini se javën e ardhshme, Kombëtarja e Kosovës U-17 do të zhvillojë ndeshje miqësore të dyfishtë kundër Kombëtares së Shqipërisë, ndeshjet do të luhen të martën më 21 dhe të enjten më 23 qershor në orën 17:30 në Kukës Arena, në Shqipëri.
Kryetari Xheladini u shpreh i lumtur për vetë faktin se ky djalosh vjen nga komuna jonë duke e falënderuar dhe inkurajuar që të punojë edhe më shumë drejt arritjes së sukseseve të reja në të ardhmen.
