Në kuadër të planit të vizitave në disa komuna të Kosovës sot komunën tonë e vizituan profesorët e Fakultetit të Bujqësisë, Hajrip Mehmeti dhe Nuridin Mestani bashkë me studentë.
Qëllimi i takimit ishte njoftimi i studentëve për kapacitetet e komunës së Dragashit dhe prioritetet për fusha të caktuara në theks të veçantë për blegtorinë.
Kryetari i komunës Shaban Shabani para të pranishmëve fillimisht paraqiti profilin e përgjithshëm të komunës duke u fokusuar në të arriturat e deritanishme. Krahas kësaj u diskutua edhe për vështirësitë me të cilat ballafaqohet komuna së bashku me fermerët dhe synimet për të zhvilluar edhe më shumë blegtorinë që njëherit është prioritet i përcaktuar me planin zhvillimor komunal.
Gjatë debatit studentët përmes pyetjeve shfaqën një interesim të jashtëzakonshëm për t’u njoftuar me karakteristikat e komunës tonë dhe kapaciteteve në fushën e blegtorisë, turizmit e energjetikës duke mos lënë anash edhe biodiversitetin, ushqimet tradicionale, klimën dhe resurset tjera që posedon komuna jonë.
