Gjatë vitit 2025, si Kryetar i Komunës së Dragashit, kam pasur kënaqësinë të nënshkruaj një sërë kontratash bashkëpunimi me përfaqësues të organizatave joqeveritare dhe klubeve sportive, të cilat kanë fituar thirrjet publike për organizimin e aktiviteteve të ndryshme në fushën e kulturës, rinisë dhe sportit.
Përmes një procesi transparent dhe gjithëpërfshirës, Komuna e Dragashit ka subvencionuar gjithsej 21 organizata dhe klube, me një vlerë totale prej rreth 150 mijë euro, të cilat do të shërbejnë për të mbështetur dhe zhvilluar aktivitete me ndikim të drejtpërdrejtë në komunitet.
Fusha e Sportit
Në kuadër të mbështetjes së sportistëve kulmorë, klubeve dhe shkollave sportive – sidomos për grupmoshat e reja – janë përkrahur këto organizata:
• Klubi i Kuajve “OPOJA” – 6,000 €+1000 €
• Klubi i Shahut “SHARRI” – 4,000 €
• Shkolla e Futbollit “FC DRAGASH” – 6,000 €
• Shkolla e Futbollit “AROMA” – 4,500 €
• KF “OPOJA” – 21,500 €
• Klub Sport “SHARRI” – 4,500 €
• Klubi i Skitarisë “ARXHENA” – 2,000 €
• Klubi i Motoristëve “ENDURO SHARRI” – 5,500 €
• Klubi i Çiklizmit “OPOJA” – 1,500 €
• Klubi i Basketbollit “SHARRI” – 1,000 €
Fusha e Kulturës
Me qëllim ruajtjen dhe promovimin e trashëgimisë kulturore, mbështetjen e manifestimeve tradicionale, aktiviteteve kulturore për mërgatën si dhe organizimin e festivaleve e aktiviteteve artistike, janë financuar këto projekte:
• NVO “INTER KLUB SPORT” – 4,500 €
• SHKA “OPOJA” – 6,000 €
• NVO “EMKAČBEND” – 4,000 €
• DFD “BISER” – 3,000 €+1000 €
• OJQ “QENDRA” – 4,000 €
• NVO “MILJINA” – 3,000 €
• NVO “STARS” – 5,000 €
• SHKA “BRESANA” – 34,000 € (për festivalin “Opoja Vallëzon”)
• SHKA “BRESANA” – 11,000 € (për manifestimet zyrtare komunale)
• OJQ “KROI I MACËS” – 4,000 €
Fusha e Rinisë
Në përpjekje për të fuqizuar të rinjtë dhe për të përkrahur iniciativat e tyre kreative, është subvencionuar:
• OJQ “AVOKO” – 9,000 €
Jam i bindur se përmes këtyre projekteve, do të vazhdojmë të krijojmë një ambient më të gjallë, më kreativ dhe më gjithëpërfshirës për të gjithë qytetarët tanë.
Bexhet Xheladini
Kryetar i Komunës së Dragashit
