Së bashku me amasadorin e Republikës së Turqisë në Kosovë, z.Sabri Tunç Angılı, konsullin e Republikës së Turqisë në Prizren, z.Celal Dogan, kryesuesen e Kuvendit, znj.Arijeta Skeraj, drejtoreshën e TIKA-s, znj.Fulya Arslan, komandantin e Kryesisë së Këshillit Turk, Kolonelin Harun Elitash, morëm pjesë në lansimin e programit për Rrobaqepësi, një iniciativë që synon fuqizimin e grave dhe vajzave të Komunës sonë, përmes aftësimit profesional dhe krijimit të mundësive të reja për punësim.
Falënderoj Kryesinë e Këshillit Turk në Kosovë, e cila ka bërë financimin e këtij projekti përmes Njësisë së CIMIC-ut dhe me mbështetjes së LMT-së në Dragash, duke treguar një shembull të shkëlqyer të bashkëpunimit ndërmjet institucioneve tona dhe partnerëve ndërkombëtarë.
Me këtë rast, pata kënaqësinë që të ndaj një mirënjohje për z.Jeton Qengaj, përfaqësuesin e Organizatës Rinore “AVOKO” si implementuese e këtij projekti dhe për angazhimin e dëshmuar në realizimin e shumë projekteve të tjera në të mirë të komunitetit.
Si Komunë, ne do të vazhdojmë të mbështesim çdo iniciativë që kontribuon në mirëqenien dhe zhvillimin ekonomik e social të qytetarëve tanë.
