Kryetari i Komunës, z.Bexhet Xheladini, i shoqëruar nga zyrtari komunal, z.Vetim Ramadani, vizituan sot herët në mëngjes deponë e sanës së fermerit nga fshati Blaç, Hyrmet Tafilit, e cila ditën e djeshme ishte përfshirë nga zjarri, me ç’rast i janë shkaktuar dëme të konsiderueshme materiale. Kryetari Xheladini shprehu keqardhjen e tij për këtë ngjarje, e cila fatmirësisht ka kaluar pa ndonjë pasojë në njerëz dhe në kafshë.
Gjatë ditës së sotme, Komisioni Komunal do të dalë në vendin ngjarjes për të bërë vlerësimin e dëmeve të shkaktuara nga ky zjarr.
Shpresojmë se edhe solidariteti i njerëzve të vullnetit të mirë dhe kolegëve të tij fermerë , si çdo herë, nuk do të mungojë, për t’i ofruar fermerit Hyrmet Tafili ndihmën e tyre në sigurimin e ushqimit për kafshët.
