Kryetari i Komunës, z.Bexhet Xheladini, së bashku me kryesuesen e Kuvendit, znj.Arijeta Skeraj, shefin e Kabinetit dhe shefin e Personelit, kanë pritur sot në një takim përfaqësuesen e SDC Zyrës Zvicerane, znj.Beate Katja Elsaesser, dhe përfaqësues të Projektit DEMOS, me të cilët kanë diskutuar lidhur me ecurinë e bashkëpunimit dhe progresin që Komuna e Dragashit ka shënuar në raportin e performancës.
Kryetari Xheladini ka shprehur falënderimin e tij për të gjithë partnerët nga HELVETAS/DEMOS dhe MAPL-ja, të cilët kanë ofruar mbështetjen e parezervë ndaj Komunës së Dragashit, duke theksuar se Granti i Performancës për Komunën tonë është një motiv shtesë për t’u angazhuar edhe më tepër në përmirësimin e qeverisjes lokale dhe shërbimeve komunale për qytetarët tanë.
Komuna e Dragashit edhe këtë vit është fituese e Grantit të Performancës për vitin 2023 dhe sipas rezultateve preliminare ka fituar dyfishin e pikëve në krahasim me vitin paraprak 2022.
