Sot pata kënaqësinë ta kishim për vizitë në Komunën e Dragashit komandantin e KFOR-it nga Komanda Rajonale e Perëndimit, Kolonelin Francesco Errico, të cilin e mirëpritëm së bashku me kryesuesen e Kuvendit, znj. Arijeta Skeraj, nënkryetarin e Komunës, z. Resul Fetahu, drejtorët komunalë, z.Qamil Kolloni, z.Zeni Krasniqi, z.Behar Brenoli dhe
Shefin e Zyrës për Komunitete, z. Uzair Hamza.
Gjatë këtij takimi, diskutuam për ecurinë e bashkëpunimit ndërmjet KFOR-it dhe Komunës sonë. Në emër të institucionit që përfaqësoj, e falënderova Kolonelin Errico për mbështetjen e vazhdueshme dhe të pakursyer ndaj institucioneve tona lokale. Veçanërisht, vlerësova kontributin e Njësisë së LMT-së në Dragash, e cila në mënyrë të pandërprerë na ofron ndihmë dhe përkrahje.
Nga ana e tij, komandanti i KFOR-it shprehu mirënjohjen për mikpritjen e ngrohtë. Kjo është hera e dytë që Koloneli Errico viziton Komunën e Dragashit gjatë mandatit të tij, dhe kjo tregon interesimin e tij të vazhdueshëm për të thelluar bashkëpunimin me qëllim të forcimit të sigurisë, ofrimit të ndihmës në fusha të ndryshme dhe mbështetjes institucionale për Komunën tonë.
