Në kuadër të Agjendës së aktiviteteve për nder të Ditës së Çlirimit të Dragashit, Grupi i Grave Asambleiste organizoi ndeshjet u volejbollit ndërmjet ekipeve të grave të punësuara. Gjatë ditës së sotme u luajtën tri ndeshje: MEKA – QKMF, ku fituese doli ekipi i punëtoreve shëndetësore të QKMF-së, dhe Mësueset – Asambleistet, ku fituese dolën ekipi i mësueseve. Në ndeshjen finale mes Mësueseve dhe QKMF-së, fitues doli ekipi nga QKMF-ja.
Këto ndeshje i përcollën nga afër edhe kryetari i Komunës, z.Bexhet Xheladini, së bashku me nënkryetarin, z.Resul Fetahu.
Ndeshjet e radhës ndërmjet ekipeve të grave të punësuara do të luhen nesër, duke filluar nga ora 15:00, në sallën e Edukatës Fizike të Gjimnazit “Ruzhdi Berisha” në Dragash.
Në ditën e dytë të ndeshjeve në volejboll ndërmjet ekipeve të grave të punësuara, të organizuara për nder të Ditës së Çlirimit, u përballën ekipet e Mësueseve (Dragash), AEG Sharr, MEKA, QKMF, HIT FLORES, QPS dhe Asambleistet.
Ndeshja finale u zhvillua në mes të QKMF-së dhe QPS-së, ku fitues i vendit të parë doli ekipi i punëtoreve të QKMF-së.
Për dy ekipet finaliste u ndan kupa, ndërsa për të gjitha ekipet pjesëmarrëse në këtë aktivitet u ndan medalje.
Në shenjë respekti për kontributin dhe mbështetjen e tyre, Grupi i Grave Asambleiste ndau mirënjohje për kryetarin e Komunës, z.Bexhet Xheladini, dhe trajnerin Fitim Tefiku.
Ky aktivitet u organizua nga Grupi i Grave Asambleiste në bashkëpunim me Qendrën Rinore “Avoko”, nën patronatin e Kryetarit Xheladini.
