Me rastin e 1 Qershorit – Ditës Ndërkombëtare të Fëmijëve, kyetari i Komunës, z.Bexhet Xheladini, së bashku me kryesuesen e Kuvendit, znj.Arijeta Skeraj, pritën sot në takim Kryesinë e Asamblesë Komunale të Fëmijëve, të përbërë nga kryetarja Vesa Myrtezani, nënkryetari Hysni Bojaxhiu, nënkryetarja nga komunitetet Sara Skenderovski, dhe sekretari Besfort Bahtijari.
Me këtë rast, Kryetari Xheladini dhe Kryesuesja Skeraj u shprehën urimet e tyre për 1 Qershorin – Ditën Ndërkombëtare të Fëmijëve. Krerët e qeverisjes lokale rikonfirmuan edhe një herë mbështetjen e tyre për Asamblenë Komunale të Fëmijëve, si një mundësi e mirë që zëri i fëmijëve tanë të dëgjohet në të gjitha nivelet e vendimmarrjes.
Në këtë takim ishin të pranishëm edhe z.Elmedin Qylangjiu nga OJQ partnere “NEVO KONCEPTI”, z.Behar Shala – drejtor i ShFMU “Shaban Shabani” në Llopushnik, dhe z.Ćenan Skenderoski – drejtor i ShFMU “Zenuni” në Brod.
Pas takimit në zyrën e Kryetarit Xheladini, Kryesia e Asamblesë Komunale të Fëmijëve pati rastin që të përcjellë nga afër punimet e Asamblesë Komunale, e cila gjatë ditës së sotme mbajti Mbledhjen e pestë të rregullt për këtë vit.
