Nën udhëheqjen e Kryesueses Arijeta Skeraj, Kuvendi i Komunës së Dragashit mbajti sot Mbledhjen XI (e njëmbëdhjetë) të rregullt (e dymbëdhjeta me radhë) dhe të fundit për vitin 2024. Në këtë mbledhje u shqyrtuan këto pika të rendit të ditës:
1. Miratimi i procesverbaleve nga mbledhjet e kaluara;
2. Shqyrtimi dhe miratimi i Vendimit për shpalljen e Listës së Përgjithshme dhe Listës së Veçantë të pronës së paluajtshme të Komunës për vitin 2025;
3. Rishqyrtimi i Vendimit për miratimin e Statutit të QKMF-së;
4. Shqyrtimi dhe miratimi i Vendimit për pagesën e komiteteve të themeluara nga Kuvendi i Komunës;
5. Shqyrtimi dhe miratimi i Vendimit për formimin e komisionit për emërtimin e rrugëve, shesheve dhe lagjeve në Komunën e Dragashit;
6. Shqyrtimi dhe miratimi i Vendimit për formimin e komisionit për shqyrtimin e ankesave për emërtimin e rrugëve, shesheve dhe lagjeve në Komunën e Dragashit;
7. Shqyrtimi dhe miratimi i Vendimit për këmbimin e pronës së paluajtshme të Komunës ZK Dragash P-70604014-00099-1me pronën e përbashkët të z.Amir (Ahmet) Jamini, z.Asad (Ahmet) Jamini, Rehjan (Omer) Jamini dhe Nerkes (Omer) Jamini, prona me numër të parcelës P-70604014-00827- 2 ZK Dragash;
8. Diskutim për Raportin e Performancës Komunale; dhe
9. Eventuale.
Pas shqyrtimit dhe parashtrimit të pyetjeve nga asambleistët dhe përgjigjeve nga ana e kryetarit të Komunës, të gjitha pikat e propozuara të rendit të ditës u miratuan me shumicë votash.
Gjithashtu, në pikën eventuale asambleistët shtruan pyetje të ndryshme për kryetarin e Komunës dhe drejtorin e Arsimit, të cilët ofruan përgjigjet dhe sqarimet e tyre, pavarësisht se shumica e asambleistëve të opozitës nuk qëndruan në sallë dhe mbledhja vazhdoi në mungesë të kuorumit.
