Drejtori për Ekonomi në komunën e Dragashit Valon Shabani dhe Drejtori i Shoqatës së Afaristëve “SHARRI” me anëtarët e shoqatës pritën në një vizitë Majlinda Krasniqin Drejtoreshë për Zhvillim Ekonomik dhe Diasporë nga komuna e Kamenicës, Arta Jerliu Kryetare e Shoqatës së Bizneseve në komunën e Kamenicës, Luan Hoti Projekt Menaxher i Projektit APR nga Helvetas Swiss Intercooperation dhe Vjollca Behluli Zyrtare e Projektit APR nga Helvetas Swiss Intercooperation.
Qëllimi i kësaj vizite ishte shkëmbimi i përvojave në mes komunës së Kamenicës dhe komunës së Dragashit, ku së bashku me zyrtarë nga komuna e Kamenicës vizituan dhe Shoqatën e Bizneseve “SHARRI” në Dragash, dhe kishin një diskutim shumë frutdhënës nga i cili diskutim u shkëmbyen të gjitha përvojat, vështirësitë dhe sukseset të cilat kaluam gjatë periudhës së aktivitetve të realizuara.
Gjithashtu kishin dhe një vizitë tek Fabrika e Rrobaqepësisë Invers One, njëri nga bizneset me të cilin kemi pasur bashkëpunim: Helvetas Swiss Intercooperation, komuna e Dragashit dhe UNDP dhe nga afër kishim mundësi që të shohim të gjithë procesin e prodhimit.
